1. ایکی گون اؤنجه تورکان شورآی* ی گؤردوم. گلمیشدی من ایشلین یئره. بیر دانا فورم آلمیشدی دولدوروردی. فورمو دولدوردی خدافظلشدی، گئتمک ایستینده، اونوتموش آپاریردی. بیر آن فرقینه واردی و خودکاری گوله گوله قایتاردی. بو آرادا من اونون گؤزللیگینه قاپانمیشدیم. قاچاقدان اونا باخیپ و گؤزومی بیله‌سیندن زور آییرابیلیردیم! البته ائله اوولدن تانمیادیم کی بو خانیم تورکان شورآی‌دیر. ایسیراغا گوندن فیکریمی درگیر ائلیندن سونرا، نهایت دونن آخشام بیلمیشم کی بو گؤزل خانیم تورکان شورآی ایمیش!
2. آخشاملار 9 الی 11 چیخیرام ائشیگه، یولداشلارینان گئریریک بیر چوخ خلوت پارکین صندللرینده اوتوروروق و علومدان نجوما، نه گلدی دانیشیریق! آدام ائله آرامیش احساس ائلیر. بوگون او اندازه آرامیش‌دئیدیم کی یولداشیم دانیشاندا، خیاللارا دالمیشدیم و دا هئچ ائشیتمیردیم نمنه دییر! او آن ذهنیمده دوشونوردوم گرک بیله‌سیینن(!) بو ساعاتلار چیخام ائشیگه یئریماغا، قدم وورماغا، گوندوزون استرسین آتماغا و بیر کلمه آرامشده یاشاماغا. بو آرامیشین قایناغی نه اولابیلر؟ قارانلیق می، آی ایشیغی می، هاوانین نسبتا سرینلیگی می، یوموشاق نسیم می؟ بلکه‌ده هاممیسی!
3. بوگون آی بوتون ایدی. البته نظریمه گلدی کی بوتونلوگو بیرآز گئتمیش بوگون. یانی دونن بوگوندن داها بوتون اولابیلردی منجه!
----
* Türkan Şoray
درباره این سایت